Davao City – Patay ang 43-anyos nga lalaki human nga gidunggab sa iyang igsuon taliwala sa ilang panagtagay sa Brgy. Hagonoy Crossing, Hagonoy, Davao del Sur, Oktubre 19, 2025, sa kagabhion.
Matud sa pahayag ni Police Major Aizzel Alvarez, hepe sa Hagonoy MPS, nga lango sa ilimnong makahubog ang suspek nga si alyas “Endoy,” 53-anyos, ulitawo, mag-uuma, ug ang igsuon nga si alyas “Jess,” residente sa nahisgutang lugar.
Matud pa nga nagkalalis ang duha nga misangput sa dihang ang suspek nikuha og kutsilyo ug gidunggab ang biktima, nga naigo sa nagkadaiyang bahin sa lawas nga nisamput sa kamatayon.
Dugang sa hepe nga ang suspetsado dali nga nadakpan sa kapulisan ug karon temporaryong gikustodiya sa Hagonoy Municipal Police Station alang sa hustong disposisyon.
RadyoMaN Bien Abanos
Facebook Comments
