Sa interview sa DXDC RMN Davao kang PLtCol. Kristopher Sabsal, Chief of Police (COP) sa Sta. Cruz Municipal Police Station (MPS), subay sa report, alas 10:30 sa buntag sa dihang nag-inom ang biktimang si Ryan uban sila alyas Jovani, Urak ug si Dodong nga maoy suspect sa krimen.
Saysay sa kabanay sa biktima nga alas 3:30 sa hapon sa dihang nahitabo na ang pagpanunggab nga posibleng resulta sa panaglalis nila Ryan ug Dodong nga lango na sab sa ilimnon.
“Nagkabikil lang gyud siguro. Under the influence of liquor lang siguro ang (hinungdan). Mao ra man ‘to ang na-mention sa iyahang pag-umangkon nga nag-inom ang biktima ug ang suspek unya mao nato nga gidunggab,” saysay ni Sabsal.
Dali usab nga misibat ang suspect human sa insidente. Samtang, giasikaso na sa kapulisan ang kasong homicide nga maoy atubangon sa suspetsado.
RadyoMaN Kirby Manzon
