Davao City – Gidunggab ang usa ka 45 anyos nga lalaki alas 3:25 sa kaadlawon didto sa Bulinao St. Km 12 Sasa siyudad sa Davao.
Subay sa report gikan sa Sasa Police station, ang biktima naila usa ka Reynaldo Landero samtang ang suspek ginganlang Renito Carpiano alyas Bosyong, 40 anyos, pareho nagpuyo sa nasampit nga lugar.
Sa imbestigasyon nga gilusad sa Sasa PNP sa pagpanguna ni imbestigador PO2 Roger Rivera, gipamahayag sa anak sa biktima nga si Ariel Landero nga samtang nag-inum ang iyang amahan atubangan sa ilang balay kalit niabot ang suspetsado ug gilayon dungab sa biktima miresulta sa pagkaigo sa tuong abaga lakip naigo ang tuong tudlo ug giutrohan pa og dungab apan maayo nalang kay napugngan sa mga silingan niadtong panahona.
Daling gitabang ang biktima ug gidala sa San Pedro Hospital aron matambalan.
Narekober sa kapulisan ang usa ka kutsilyo nga gibana-banaang anaa sa 19 ka pulgada ang gitas-on samtang gipangita na karon sa Sasa PNP ang maong suspek ug padayong ginasusi kung unsa ang motibo sa pagpangdunggab.
RadyoMaN Don Pulayao
