Davao City – Gibalot og misteryo ang pagkabuhi sa usa ka lalake kinsa giluba sa makadaghang higayon nga nahitabo sa iyang giabangan nga boarding house sa Dumanlas, Buhangin District kagabii.
Mukabat sa 17 ka samad dinunggaban ang nahiagoman ni Roger Villarta, hamtong ang pangidaron, kini sa pag-ihap sa nurse sa Southern Philippines Medical Center nga miatinder kaniya.
Lupaypay na gihatud sa SPMC si Villarta tungod sa daghang bangag sa liog agi sa kutsilyo apan pag-abot sa ospital kalit migimaw ang biktima ug dayon nabuhi pag-usab pasado 3:00 ganing kadlawon.
Gisaysay sa mga kaubanan sa biktima nga aning gabii nag-inom sila og ilimnong makahubog ug dihang puro na sila hubog nangatulog sila sa boarding house.
Apan usa sa iyang mga kaubanan unang mibakod aron magprepara sa pagtrabaho karong adlawa maoy nakakaplag sa biktima nga nagbuy-od na ug nabalot sa daghang samad dinunggaban.
Naglibog ang mga kaubanan kung si kinsa ang nagdunggab sa biktima samtang natulog kini kagabii.
Naglusad na karon og makuti nga imbestigasyon ang Buhangin PNP aron subayon ang posibleng motibo sa pagpanunggab sa biktima.
RadyoMaN Joel Viray
