Davao City – Hinungdan sa suspetsya nga dunay relasyon ang usa ka lalaki ug asawa sa suspek, misangpot na hinuon kini sa pagpanunggab alas 10:30 sa kagabhion didto sa Sitio Tunga Brgy. Inayangan Calinan siyudad sa Davao.
Subay sa blotter sa kapulisan sa Calinan PNP ang biktima naila sa usa ka Peter Zamora Enoc, nagpuyo sa nasangpit nga lugar samtang ang suspetsado mao si Rere Husayan, hingkod ang edad nga taga Tagaytay Brgy. Inayangan ning syudad.
Sa inisyal nga imbestigasyon nga gihimo sa Calinan PNP, gidungab sa suspek ang biktima kaduha ka higayon nga miresulta pagkasamad sa likod nga bahin sa lawas sa biktima.
Human sa hitabo daling gitabang ang biktima ug gidala sa Southern Philippines Medical Center (SPMC) aron matambalan samtang ang suspetsado at large pa karong panahona gumikan kay abtik nakasibat sa wala matino nga lugar ang suspek.
Posibleng mag atubang og kasong Frustrated Murder ang mihimo sa krimen.
RadyoMaN Don Pulayao
