Sa interview sa DXDC RMN Davao sa biktima, gisaysay niya nga niadto siya sa peryahan, kauban ang iyang ig-agaw sa dihang gitawag siya sa maong pulis ug gidala sa likod sa Asuncion Gym gitutukan kini og armas, gipahapa ug gibunal-bunalan og maayo.
Gibutyag pa ni Villarosa, gipasakay siya sa patrol car ug pag-abot sa estasyon, gidala kini sa likod nga bahin ug didto gitiwasan og bunal gamit ang dagko nga kahoy.
“Murag hubog man kaayo siya ba nya murag nawala na sa passing, gitawag ko niya kay abi kog estorya ra unya kay iya kung gitutukan og 45 akong kilid, gipabaktas ko sa ngitngit, iya kong gipadapa, iya kong gibunal bunalan,” segun sa biktima.
Dugang ni Villarosa, nagpasalamat siya kay naay pulis nga nakakita hinungdan nga nakasibat siya ug igo lang nakaabot sa ilang panimalay nawad-an siya sa panimuot. Ang maong insidente giimbestigahan na sa Asuncion MPS.
Sa pagkakaron, wala pay pamahayag nga gipagawas ang gi-akusahan isip tubag sa maong reklamo. Andam modawat sa tubag ni PCpl Pantonial, ang DXDC RMN Davao aron makuha usab ang iyang bahin mahitungod sa maong pasangil.
RadyoMaN Ivy Parido
