Davao City – Nagpakitabang sa kapulisan ang usa ka glass installer human matud pa gikulong sa balay sa ex-boyfriend sa iyahang uyab karon.
Base sa report sa Talomo PNP, giila ang mireklamo nga si alyas Gino, 31-anyos, ug taga Tagum City.
Saysay sa biktima nga gitext matud siya sa iyang uyab nga si alyas Gaily bandang alas-11:00 sa kagabhion nga makigkita sa usa ka lodge apan sa pagsulod sa kwarto, nakurat na lang siya nga nakita niini ang iyang uyab ug ang ex boyfriend niining si alyas Toto, 30 anyos ug nagapuyo sa may vincent heights subd buhangin ning siyudad.
Nagkuyog pa kuno og laing duha ka wala mailhing lalaki ang suspek ug maoy nagkulata kaniya.
Pugsanon kuno siyang gisakay sa sakyanan ug gidala sa balay sa suspek ug didto kini gitanggong sulod sa dose ka oras.
Sa kasamtangan ang kapulisan naglusad na og imbestigasyon ug ginapangita na ang mga gireklamo.
RadyoMaN Paul Canono
