Davao City – Mireklamo sa buhatan sa kapolisan sa Talomo ang usa ka lalaki human kini gikulata sa kanhing uyab sa iyang girlfriend karon.
Ang complainant mao si Marjon Catunansa Cabilo, 24 anyos nga taga Mainit Nabunturan Compostela Valley Province ug nag arkila og balay diha sa may Times Beach Ecoland.
Sumala pa sa rekord sa Talomo PNP, bandang alas 10:30 sa kabuntagon kalit gisulod sa suspek ang boarding house sa mireklamo ug gibunalan og gahi nga butang hinungdan sa pagka angol nini.
Gidugang sa complainant nga positibo kini sa pagkaila sa suspek kay anaa man sa iyang tupad ang iyang girlfriend ug matud pa selos ang motibo sa maong pagpangulata kaniya.
Sa kasamtangan gidala una sa SPMC ang maong lalaki aron mahatagn kini sa ug medical nga attention samtang gina pangita na karon sa kapolisan ang maong suspek.
RadyoMaN Paul Canono
