Davao City – Nakabsan sa kinabuhi ang extruder twine machine operator nga si Johnric Canibel, 30 anyos, human gilamoy sa makina, samtang nag-operate sa usa ka Kompanya sa New Malitbog, Panabo City, niadtong Agusto 25, 2023.
Sa interview sa DXDC RMN Davao kang Officer-in-charge Police Major Jun Bautista sa Panabo Police Station gibutyag niya, base sa nakasaksi igo lang nagplastar si Canibel sa luag nga twine sa dihang nabugkos ang kamot niini ug nabira sa nagtuyok nga metal rollers, lakip na ang iyang ulo nga maoy hinungdan sa iyang hinanaling kamatayon.
Segun ni Bautista, tungod aksidente ang nahitabo, wala na nagpasaka og kaso ang pamilya sa biktima batok sa kompanya.
“Mere accident naman ang nangyari. However, sa pagkakaalam ko the company extended financial assistance to the family of the victim,” segun ni Bautista.
RadyoMaN Ivy Parido
Facebook Comments
