Davao City – Dead on arrival sa Southern Philippines Medical Center ang 47 anyos nga lalake human giluba sa iyang silingan pasado alas 12:00 sa tungang kagabhion.
Samad sa lawas tungod sa dinunggaban ang mikutlo sa kinabuhi ni Moven Sardido, nagpuyo sa Muslim Village, km. 11 Sasa ning dakbayan human lubaa ni alyas Rj, 17 anyos.
Matud pa, misulong ang suspek sa balay sa biktima ug didto natigayon ang panaglayog sa duha hangtud pareho sila nahulog sa dagat sa Sasa Wharf.
Misuway og uwang ang bayaw sa biktima apan lakip sab giluba.
Mitahan matud pa ang suspek ngadto sa Muslim leader nga si Saudi Esmale ug dayon giendosar sa Sasa PNP.
Giduso na sa Women and Children’s Desk sa Presinto 4 ang suspek sanglit minor de edad pa kini.
RadyoMaN Joel Viray
