Tukuran, Zamboanga del Sur – Padayon pa nga nagpaalim sa mga samad ang biktima kinsa giluba sa usa ka suspetsado alas 9:15 ang takna kaniadtong nakalabayng gabie sa Purok Bombil, Barangay Sugod, Tukuran, Zamboanga del Sur.
Ang biktima ang nailang si Ramil Calma Bahala, ulitawo ug residente sa nasangpit nga dapit kinsa giluba sa suspetsado nga nailang si Roger Molihon Dag-Uman, ulitawo ug residente sa Purok Santan, Barangay Sugod, Tukuran.
Sa imbestigasyon nasayran nga sa wala pa ang nahitabong pagpanluba, ang biktima ang anaa sulod sa videoke bar nga gipanag-iyahan ni Pedrita Maata, sa dihang ang suspetsado ang misulod usab sa nasangpit nga videoke bar ug sa walay igong hinungdan giluba niini ang biktima.
Ang biktima ang nakaangkon ug mga samad sa tiyan ug daling gidala ngadto sa Pagadian City Hospital arun katambalan samtang ang suspetsado ang nadakpan sa otoridad ug gidala gidayon ngadto sa Tukuran MPS.
Sa pagkakaron, ang suspetsado ang gipasakaan na sa tukmang kaso
