Padayon pa karon nga nagpaalim sa balay tambalan ang usa ka biktima sa pag pangluba nahitabo kini niadtong miaging adlaw 8:30PM kapin kun kulang partikular mente sa may brgy. Goin, lungsod a Liloy ning atong probinsya..
Ang biktima mao si Junrey Masuela Gaas, 26 anyos, menyo, ug usa ka mag-uuma sa nahisgutan nga lugar.
Matod pa ang giluba kini nila ni Matias Maghanoy Ligaya, 39 anyos, ug Melvin Cohena Omandam, 34 anyos, pulos residente sa nahisgutan nga barangay.
Sa gihimong imbistigasyon sa kapulisan mga 7:30PM ang biktima ug ang iyang mga amigo nag inom kini sa usa ka tindahan sa maong barangay. Kalit lang miaabot ang duha ka suspect nga gituohang gi gamhan kini sa ilimnong makahubog, sa walay igong rason kalit lang mibuak sa botelya ang suspek dayong luba ngadto sa biktima.
Nakaangkon ug samad sa walang bahin sa iyang tiyan ug sa wala nga siko.
Sa dugang pag imbistiga sa kapulisan nasayran nga personal nga panagbangi ang hinungdan.
