TACLOBAN CITY – Nag-irignom an mga magsarangkay ha Brgy 43-A Quarry District, Tacloban City, alas 9:40 han gab-i kasanggab-i pero nagresulta ini hin panmuno.
Basi ha report han Police Regional Office 8, ginkilala an biktima nga ginbuno nga hi Jomar Cabias Cabillan, 26 anyos, usa nga market vendor; ginkilala naman gihap an suspek nga hi Casimiro Banadora Bangot Jr., 26 anyos, usa nga construction worker, pareho nga residente ha nasabi nga lugar.
Ha nagawas nga inisyal nga imbistigasyon han mga otoridad, nagtatagay la an biktima ngan an suspek upod an iba pa nga kasangkayan.
Nag-uruistorya samtang nagtatagay ngada ha umabot ha argumento an nasabi nga pag-irignom .
Tigda la ginbuno han suspek an biktima ha butkon ngan ha kamot gamit an matarom nga butang, maupay nala nakadalagan pa an biktima ngan nangaro hin bulig ha mga kapulisan.
Arestado an suspek, samtang gindara an biktima ha pinakaharani nga hospital.
