Lalaki, ginbuno sang 13 ka beses, gamit ang screwdriver

Panit-an, Capiz- Tadtad sang buno ang 39-anyos nga biktima nga si Jee Datiles, residente sang matapos ginbuno alas 10:55 sang gab-i sa Tabuc Sur, Panit-an, Capiz. Padayon nga ginabulong sa ospital ang nasambit nga biktima matapos nga nag-angkon sang 13 tanan ka mga buno sang screwdriver.
Ginatudlo nga suspek amo ang persona nga nagahingalan kay alyas “Jun”. Sa inisyal nga impormasyon, naga-inum ang biktima upod kay Jay Tupaz sang nag-abot ang amo nga suspek. May nagpatunga nga komprontasyon sa tunga sang suspek kag biktima. Nagkuha sang screw driver si alyas “Jun” kag ginbuno sang 13 ka beses ang bikma. Madasig naman nga nagpalagyo ang suspek pagkatapos sang insidente.

Facebook Comments