Lalaki, ginkawatan sang gina-alegar grupo sang mga agi sa Roxas City

266

Roxas City, Capiz – Nagpalab-ot sang iya reklamo sa Roxas City Police Station ang isa ka lalaki matapos ginkawatan sang gina-alegar grupo sang mga agi sa Rizal Street, Barangay 7, Roxas City sang nagligad nga gab-i. Base sa panaysayon sang biktima nga nagpakilala gid lamang nga si ‘alyas Dodoy’ sang Cuartero, Capiz, manugpauli na kuntani ini sakay sa iya motorsiklo matapos nag-inom sa syudad sang Roxas. Apang pag-abot sa nasambit nga lugar nagpundo ini agud mag-ihi.
Nakibot na gid lamang si alyas Dodoy nga may nagpalapit sa iya nga isa ka agi kag ginkuha ang yabi sang iya motorsiklo. Gintungahan pa sang biktima nga magbato apang gulpyada nga nagpalapit ang grupo sang mga agi kag ginsipa ini. Bangud kadamo sang mga agi, natumba si alyas Dodoy kag napaslawan ini nga depensahanr ang kaugalingon.
Natigayon nga mabuksan sang mga suspek ang U-Box sang motorsiklo sang biktima kag ginkuha ang kwarta sini nga nagabalor P8,000, lakip ang iya wallet. Madasig naman nga nagpalagyo ang mga agi matapos ang insidente. Samtang nagapadayon naman ang imbestigasyon sang mga kapulisan.

Facebook Comments