Sigma, Capiz – Padayon nga ginabulong sa ospital ang isa ka persona makaligad nga ginpulihan kag ginlabo sang tatlo ka mag-utod mga alas 10 sang gab-i sa Sitio Sinamongan Brgy Bangonbangon banwa sang Sigma.
Ginkilala ang biktima kay Richard Boluntad y DaƱiles, 44- anyos nga residente sang nasambitan nga lugar kun sa diin ini ang nag-angkon sang kapilasan sa nagkatuhay nga parte sang kalawasan.
Suno sa imbestigasyon sang kapulisan sang Sigma, sakay ang biktima sa traysikol sang ini ang ginbanggan sang mag-utod nga suspek nga sanday Ricky Baliscot, 42-anyos; Ronnie Baliscot, 33-anyos kag Edwin Baliscot, 27-anyos.
Nadakpan naman sang mga kapulisan ang mga suspek nga sa subong ang nakahunong sa lock up cell sang Sigma PNP.
Samtang ang madugay nga nga indi paghangpanay sa tunga sang biktima kag mga suspek ang isa sa ginasunod nga motibo sang krimen.
