Ini ang ginkilala kay Jovan Tecson, 54 anyos, kasado kag residente sang Brgy. Canabahan, Calinog.
Suno kay PO2 Gonzalo Plete sang Passi City PNP, ang biktima may tatlo ka pilas sa dughan kag tatlo ka pilas sa likod tuga sang pagluthang.
Wala naman makilala ang suspek nga nagluthang sa biktima nga sakay sa itom nga honda 155 kag nagliko padulong sa bahin sang Calinog matapos mahimo ang krimen.
Ginconfirmar man nga may nervous breakdown si Tecson gani masami ini nga nagalayaw-layaw.
“Nagkadto sa amon ang iya magulang… may nervous breakdown ni siya kuno [Sir] amona nga daw pirme nagalayaw-layaw,” ang pahayag ni PO2 Plete sa interview sang RMN Iloilo.
Pahayag ni Plete, posible nga natripingan lang ang biktima.
Padayon naman ang imbestigasyon sang kapulisan sa karun.
Facebook Comments
