BACOLOD CITY – Nag-angkon sang tatlo ka igo sang bala ang isa ka lalaki matapos nga gintiro may mg alas 5:20 kahapon sang hapon sa Purok Katilingban B, Brgy. Mansilingan, Bacolod City.
Nakilala ang biktima nga si Joejel Escala, 24 anyos ang edad, pumuluyo sang Purok Laurel, Brgy. Mansilingan, samtang nakilala naman ang suspek nga si Elmer Bautista, 28 anyos ang edad, residente sang Purok Katilingban 2, Brgy. Mansilingan.
Suno kay Escala nga samtang ini siya ang nagalakat upod ang duha ka iban pa nga sanday Arcel Aguillon, 31, kag Ryan dela Mata, 29 anyos agud nga magpauli na kuntani, gintawag sila sang isa ka lalaki nga nakilala kay Victoriano Canoy kag ginhambalan nga magbalik agud i-settle ang ila kumplikto.
Apang sa ila pagbalik, nagasunod gali ang suspek nga si Elmer kon diin nakita sang upod sang biktima nga nag-gabot ini sang armas kag gintiro si Escala.
Nag-angkon sang isa ka pilas sa iya dughan ang biktima, isa sa tuo nga abaga kag sa tuo nga paa.
Dali-dali ini nga gindala sa Corazon Locsin Montelibano Memorial Regional Hospital samtang gilayon naman nga nagpalagyo ang suspek./dyHB BACOLOD
