CAUAYAN CITY — NAGTAMO NG MGA PASA AT GALOS SA KATAWAN ANG ISANG LALAKI MATAPOS BUGBUGIN UMANO NG DALAWANG LALAKI SA BARANGAY FUYO, ILAGAN CITY, ISABELA.
KINILALA ANG BIKTIMA BILANG ALYAS “JOHNSON” NA RESIDENTE NG NASABING LUGAR HABANG KINILALA NAMAN ANG MAGKAPATID NA SUSPEK NA SINA ALYAS “BRYAN” AT ALYAS “JAYVIN,” KAPWA RESIDENTE NG NASABING BARANGAY.
BATAY SA INISYAL NA IMBESTIGASYON NG PULISYA, NAG-UGAT ANG INSIDENTE MATAPOS SABIHAN NG BIKTIMA NG SALITANG “YOU’RE SO UGLY” ANG KAINUMAN NA SIYANG NAGING RASON NG PANANAKIT.
KAAGAD NA INARESTO ANG DALAWANG SUSPEK NG MGA RUMESPONDENG AWTORIDAD AT DINALA SA HIMPILAN NG PULISYA PARA SA KAUKULANG IMBESTIGASYON.
SAMANTALA, AGAD NAMANG ISINUGOD SA OSPITAL SI ALYAS “JOHNSON” UPANG MALAPATAN NG LUNAS.
KASALUKUYAN NANG NASA KUSTODIYA NG ILAGAN CITY POLICE STATION ANG MGA SUSPEK HABANG INIHAHANDA NA ANG MGA KASONG ISASAMPA LABAN SA KANILA.
