Baliguian, ZDN-Swerte ang biktima nga adunay sakop sa kapulisan ang miagi sa dalang nasyunal sa Brgy. Nonoyan lungsod sa Baliguian, ZDN.
Kini human si Jomer Sain, na tripan ug gitigbas sa makadaghan nga higayon.
Butyag pa ni (PSSg) Marjorie Gay E Suson, samtang nagbyahe sila, gi pahunong sila sa upat ka tawo ug didto na miduol ang biktimang si Jomer para magpatabang, hinungdan nga dali kining gidala sa balay tambalanan.
Sa dugang pag imbistiga gibutyag sa biktima nga samtang nanguha siya ug kahoy nga pangsugnod sa bukirong bahin kalit lang mi abot si alyas Moamal ug sa walay daghang pangutana gipa-ulanan kini siya ug tigbas.
Nakaangkon ug grabeng samad ug halos iyang gikaligo ang iyang kaugalingong dugo.
Human sa panghitabo dali nga miikyas ang suspek padulong sa lungsod sa Sirawai.
