Davao City – Patay diha diha ang usa ka lalaki human gipusil sa wala mailhing suspetsado alas-7:00 ang takna sa gabie sa Brgy. Cabidianan Nabunturan, Compostela Valley adlaw’ng Huwebes.
Biktima giila sa kapolisan nga si Raul Resma, hamtong panuigon residente sa nahisgutang lugar.
Sumala sa report nga nahipos gikan sa Nabunturan Police Station, nasayran nga usa ka wala mailhing suspetsado ang kalit miduol sa biktima dayon namusil sa tulo ka higayon tumong sa ulo gamit ang .45 nga pistola hinungdan sa iyang hinanaling kamatayon samtang dali nga misibat ang suspek palayo sa nahisgutang lugar.
Padayon nga gi-imbestigahan sa kapolisan ang panghitabo ingon man pagpangita sa suspetsado aron mapasakahan og kaso ngadto sa korte.
RadyoMaN Juls Catisay
