Lalaki gipusil-patay sa Agdao

Davao City – Gipusil-patay ang usa ka ulitawo alas-11:10 kagabii sa riding in tandem nahitabo sa F. Bangoy St., Brgy. Tomas Monteverde, Agdao district ning syudad sa Davao.

Biktima naila nga si Alexander Castillo, 27-anyos, ulitawo, ug taga-Ilansd Garden City of Samal.

Matud pa sa usa ka witness nga si Albert, usa ka truck driver, nakamata matud pa siya human makadungog og buto sa pusil gani dali niya kining gisuta.


Sumala pa iyang nakita ang duha ka wala mailhing mga suspetsado diin ang usa ginagukod ang biktima dayon gipusil sa makaduha nga higayon una kini makaabot sa gimanehoang truck samtang ang kauban sa gunman nagahulat sa ilang gamit nga Yamaha Mio nga walay plate number kinsa pulos miikyas human sa panghitabo.

Daling nagpatabang sa kapulisan si Albert ug gidala pa sa balay-tambalanan ang biktima aron sulayan og luwas apan gideklara gihapon kining patay alas 11:44 sa gabii.

Narekober sa crime scene ang upat ka basiya sa mga bala sa gituohang .45 nga pusil.

Gipalawman na karon sa Sta. Ana PNP ang imbestigsayon aron sa pagsuta sa motibo sa pagpatay sa biktima ingon man sa pag-ila sa mga suspetsado.

Samtang ang patay’ng lawas sa biktima anaa pa sa Southern Philippine Medical Center (SPMC) ning dakbayan sa Davao.

RadyoMaN Don Pulayao

Facebook Comments