Davao City – Wala pa masuta ang motibo sa pagpusil-patay sa usa ka lalaki
alas 10:28 sa buntag kagahapong adlawa sa Prk. Matulungin-1 Cebule Beach,
Brgy. Matiao, Mati City.
Sa report gikan sa Police Regional Office kun PRO XI, ang biktima giilang
si Nasser Amiang y Tarona alias “Bata”, 58 anyos diin matud pa samtang
naglingkod kini sa usa ka tindahan nga gipanag-iyahan ni David Adtoon
kauban ang ginganlan og “Barok”, miabot ang duha ka wala mailhing suspek sa
nasangpit nga lugar sakay sa itom nga motorsiklo dayon gipusil ang biktima
sa makadaghang higayon ug naigo sa nagkadaiyang parte sa lawas niini
hinungdan sa hinanaling kamatayon.
Human sa insidente, daling misibat ang mga suspek padulong sa wala matinong
direksyon.
Narekober sa otoridad gikan sa crime scene ang upat ka mga fired cartridge
case.
Sa karon, naghimo na og follow-up operation ang Mati City Police Station
aron mailhan ug madakpan ang mibuhat sa maong krimen.
RadyoMaN Renz Barbarona
