Davao City – Patay ang usa ka 51 anyos nga lalaki human kini gipusil sa makadaghang higayon sa wala pa mailhing suspetsado.
Giila sa kapulisan sa Panabo nga si Mario Achacoso, minyo ug residente sa may purok Tagumpay syudad sa Panabo.
Base sa report sa Panabo PNP nga bandang alas 7 sa kagabhion, nagtindog lang ang biktima sa Brgy. Hall sa Brgy. Gredu sa Panabo ug kalit kini gipusil ug igo sa nagkadaiyang parte sa kalawasan.
Gidala pa ang biktima sa Panabo Polymedic Hospital apan gideklara na kining dead on arrival.
Narekober sa crime scene ang upat ka basiyo sa bala sa .45 nga pistola.
Sa karon, naghimo na og imbestigasyon ang kapulisan aorn mailhan og kinsa ang responsable nga mihimo sa maong krimen.
RadyoMaN Paul Canono
Facebook Comments
