Davao City- Patay ang usa ka 29 anyos nga lalaki human gipusil sa wala mailhing suspetsado alas 12:10 sa gabie sa Purok 2, Muslim Village, Sasa, Davao City.
Sa report sa Davao City Police Office (DCPO) giila ang biktima nga si Carlito Ganal alyas “Junjun” nagpuyo sa Purok 1, Sasa ning dakbayan samtang padayon pang ginaila sa otoridad ang suspek.
Sa imbestigasyon sa Sasa PNP nga sumala pa sa silingan sa biktima nga si Nasim Solaiman kalit nangayo ug tabang si Ganal nga aduna nay samad pinusilan sa tuong paa nga bahin hinungdan nangayo og pakitabang sa mga silingan aron matawagan ang 911 apan pagdala niini sa Southern Philippines Medical Center (SPMC) gideklara na kini sa attending physician nga dead on arrival.
Narekober sa kapulisan gikan sa crime scene ang usa ka slug fired bullet samtang padayon pang ginasuta sa otoridad ang motibo sa pagpusil-patay sa biktima.
Sa karon, desidido ang asawa sa biktima nga ipailawum sa otopsiya ang iyang bana.
RadyoMaN Don Pulayao
