Davao City- Patay ang usa ka Renan Capindit, 34 anyos ug residente sa Feeder Road Brgy. Tibal-og Sto Tomas, Davao del Norte human gipusil sa wala mailhing mga suspetsado.
Sumala pa sa imbestigasyon nga samtang ang biktima nagsakay sa iyang motorsiklo bandang alas 12:50 sa kadlawon kalit gitaparan sa duha ka mga suspetsado ang suspek ug gipusil sa makadaghang higayun hinungdan sa hinanaling kamatayon niini.
Dali kuno misibat ang mga suspek human sa pagpamusil.
Nakuha gikan sa crime scene ang lima ka basiyo sa bala sa gituohan nga gikan sa .45 nga pistola ug ang motorsiklo nga gisakyan sa biktima nga walay plate number.
Naghimo na og dugang imbestigasyon ang kapulisan sa maong insidente aron masuta ug unsay motibo sa pagpatay sa biktima ug aron mailhan ang mga suspetsado.
RadyoMaN Paul Canono
