Davao City – Gipusil-patay ang usa ka lalaki samtang nagbyahe sa wala mailhing suspetsado nahitabo sa Purok Maharlika, Brgy. Cuambogan, Tagum City, kagahapong adlawa.
Ang biktima naila nga si Ronie Soco Salces, 36 anyos, residente sa Purok-10, Brgy. Limbaan New Corella, Davao del Norte, kinsa naigo sa ulo nga bahin.
Nasayran nga nagbyahe ang biktima sakay sa iyang motorsiklo gikan sa ilang lugar paingon sa Tagum City diin kalit na lamang kining gipusil sa riding-in-tandem kinsa miikyas paingon sa Brgy. La Filipina, Tagum City, gamit ang punto 45 nga kalibre sa baril.
Ang patay’ng lawas sa biktima anaa na sa Villagan Funeral Homes sa Tagum City samtang kapulisan naglusad og follow-up operation aron sa pagsuta sa motibo sa suspetsado.
RadyoMaN Jason Amisola
