Davao City – Gipusil-patay ang usa ka lalaki sa purok 4F Gemini, Apokon, Tagum City alas 9:45 sa kabuntagon kagahapong adlawa, Abril 9.
Base sa report sa Police Regional Office kun PRO XI, giila ang biktima nga si Angelo Pasano, 38 anyos ug residente sa nasangpit nga lugar.
Subay sa imbestigasyon nga samtang nag-ayo ang biktima sa iyang motorsiklo gawas sa iyang panimalay, gipusil kini sa mga wala mailhing suspetsado igo sa nagkadaiyang parte sa lawas niini.
Daling misibat ang mga suspetsado sa wala matinong direksyon samtang padayon pang nagahimo og imbestigasyon ang kapulisan sa Tagum bahin sa maong insidente.
RadyoMaN Renz Barbarona
Facebook Comments
