Davao City – Patay ang usa ka lalaki human gipusil alas 12:30 sa kadlawun nahitabo sa Purok 13 Brgy. Tibungco syudad sa Davao.
Base sa blotter sa Davao City Police Office (DCPO), giila ang biktima nga usa ka Ralph Rasonable Dagami alyas Raprap, 31 anyos, residente sa nasangpit nga lugar.
Sa inisyal nga imbestigasyon ni Police Officer 1 Tapere, samtang miagi ang biktima sa usa ka eskinita, gisundan kini sa usa ka lalaki ug kalit gipusil sa makadaghang higayon hinungdan sa hinanaling kamatayon niini.
Samtang ang suspek daling misibat sa suok nga bahin sa maong Brgy.
Ang patay lawas sa biktima anaa sa Rivera Funeral Parlor, Licanan District ning dakbayan.
Narekober sa kapulisan sa crime scene area ang tulo ka basiyo sa .45 calibre pistola, usa ka homemade sling darks ug usa ka pana.
Naglusad na og imbestigasyon ang kapulisan aron masayran og unsay motibo sa maong krimen ug aron masikop ang suspetsado.
RadyoMaN Don Pulayao
