Sa eksklusibong interbyu sa DXDC RMN Davao kang Police Major Romeo Mapanao Jr., Station Commander San Pedro Police Station, aduna kini samad pinusilan sa ulo ug sa iyang kalawasan.
Gituohang .45 kalebring pistola ang gigamit sa mga mamumuno sa pagpatay sa biktimang nga si ALLAN CANOPING MAHINAY, helper sa panday ug residente sa nasangpit nga lugar.
Sumala sa mga saksi, human sa ilang meryenda sa gitrabahong balay, nisulod ang duha ka mga suspetsado og nadungog nalang nila ang lima ka buto sa pusil ug daling nihawa ang mga suspek ug ila na lang nakita nga nagbuy-od na sa yuta nga wala nay kinabuhi ang biktima.
Sa imbestigasyon, gibutyag ni Mapanao nga posibleng personal grudge ang motibo sa pagpusil sa biktima.
Segun ni Mapanao, ginalantaw nila kung aduna bay kalambigitan ang mga rekords niini sa barangay sa krimen diin sa ilang pagpanubay nasayran nga notado kining kawatan sa Barangay.
Gibutyag ni Mapanao, gireklamo ang biktima og acts of lasciviousness niadtong Setyembre 2021.
“Sa ocular namo didto puros man negative nga kawatan daw kaayo, sa tanang balay nga napangutan-an nato sa palibot kay naadtuan man gyod nato musulti nga kawatan kaayo na sir,” matud ni Mapanao.
Gisulayan pa nato pagkuha og pahayag ang bahin sa pamilya sa biktima sa maong pagpamusil patay.
RadyoMaN Aimee Guinita
