Davao City – Patay ang usa ka 43 anyos nga lalaki human kini gipusil sa makadaghang higayun sulod sa ilang panimalay alas-5 sa kahaponon gahapong adlawa.
Base sa record sa Talomo PNP, ang biktima naila nga si Romeo Solon Balitong residente sa may Catalunan Grande ning syudad.
Sumala sa inahan sa biktima nga nakasaksi sa panghitabo nag tan-aw kini og TV niadtong tungora sa dihang kalit miabot ang wala mailhing suspek nga lalaki ug pugsanon nga gisuod ilang panimalay.
Sa dihang nakasulod na ang maong suspek midiretso kini sa likod nga bahin sa ilang balay ug ddto naabtan ang biktima nga nanglaba sa iyang mga sinina.
Gipusil sa madaghang higayon ang biktima igo sa nagka daiyang parte sa kalawasan hinungdan sa hinananalig kamatayon niini.
Human sa hitabo misibat ang suspek sa wala matino nga direksyon kuyog ag back up kun look out niini.
Base sa imbestigasyon sa Scene of the Crime Operatives kun SOCO narekober ang unom ka basiyo sa bala ug usa ka nagpabutong balang gituohan nga .45 nga pistola.
Matud pa sa inahan sa biktima ang suspek adunay gitas-on nga 5’3″, ngasuot og t-shirt nga puti samtang ang kauban niini adunay gitas on nga 5’4″ ug nagsuot og sando nga yellow.
Kapolisan naghimo na og follow up investigation kun unsa ba ang motibo sa krimen ug naglusad na sab sila og manhunt operation aron sa pagkasikop sa mga suspetsado.
RadyoMaN Paul Canono
