Davao City – Wala na makaselebrar sa adlawng natawhan karong adlawa ang usa ka lalaki human nga gipusil-patay sulod sa PUJ nga adunay routang Toril bandang alas 8 sa buntag sa may Tahimik Bangkal, syudad sa Davao.
Sumala sa Talomo PNP, giila ang biktima nga si Jomar Porral, 25 anyos ug residente sa Ulas ning dakbayan.
Matud pa sa inisyal nga imbestigasyon nga nagsakay ang biktima sa PUJ gikan Toril (third from the last) padulong downtown ug pag abot sa incident area, didto gipusil si Porral sa makadaghang higayon diin matud pa sa SOCO, walo ka mga samad pinusilan ang nahiagoman sa biktima.
Saysay usab sa inahan sa biktima nga sumala pa aduna kini nakaaway sa may balutan sa dili pa lamang dugay.
Samtang ang driver sa jeep nga gisakyan sa biktima miingon nga natanggong sila sa may Tahimik Bangkal tungod sa traffic ug didto na adunay riding in tandem nga mipusil sa biktima.
Padayon pang naglusad og imbestigasyon ang kapulisan sa maong insidente.
RadyoMaN Renz Barbarona
