Davao City – Padayon pang nagpaalim sulod sa balay-tambalanan ang usa ka netibo human gipusil sulod sa iyang nahimutang sa Purok 1, Bryco, Bankerohan, Brgy 5-A, ning syudad sa Davao.
Sa report sa kapulisan, ang biktima giila nga si Mahid Andang Cali, 27 anyos, minyo, self-employed, Marano, netibo sa Brgy Balaigai, Lumbayanagi, Lanao del Sur ug kasmatangang nanimuyo sa nasangpit nga lugar samtang ang suspek usa ka Kabir Maulad Carbal, usa usab ka Maranao ug sama sa biktima nga netibo sa Lanao.
Sumala sa witness nga si Mustafa Dilawan Cali, 52 anyos, kabanay sa biktima nga parehong residente sa nasampit nga lugar, kalit niabot ang maong suspetsado sa tindahan ni Mahid ug gilayon bunlot sa pusil dayon pabuto tumong sa ulo nga bahin sa biktima.
Ginalantaw karon nga motibo sa kapulisan mao ang isyu-politikal diin gipatay usab ang amahan niini sa Lanao del Sur gumikan sa bangi sa kabanay sa biktima ug sa suspek.
RadyoMaN Don Pulayao / RadyoMaN Jason Amisola
