Katipunan-Padayon pa karon nga nagpaalim sa samad pinusilan ang biktima nga si Noel Cabahug Saluma nga taga Sitio Sigabon, Malugas, lungsod sa Katipunan, ZDN, human kini pusila sa iya mismo nga ig-agaw
Base sa gihimong pag imbistiga sa Katipunan MPS, nasayran ang bitkima nagkugos kini sa iyangt anak nga 2 anyos sa dihang kalit lang miabot si Rolly Tinaco Saluma ang ig-agaw sa biktima ug lango kini sa ilimnong makahubog.
Miduol kini ngadto kang Noel ug miistorya sa sakit nga pinulungan dala sa pag bunot sa iyang armas nga gilokluk sa iyang kilid dayong pusil sa maka usa ka higayonmaayo nalang dali kining nahawing sa live-in partner sa suspetsado ug sa iyang lola ug didto kini miigo sa salug ang bala.
Bisan paman sa maong panghitabo wala kadto baliha ni Noel ug mipauli nalang siya dala ang iyang anak nga 2 anyos apan gisundan kini sa ilang panimalay ni Roly ug mipusil kini sa ikaduha nga higayon maayong pagka igo sa walang bahin sa likod sa biktima.
Human sa maong hitabo dali nga misibat ang suspek, samtang ang armas nga kalibre .38 apil ang 3 tulo ka bala giturn-over ni Raymund Saluma didto sa buhatan sa Katipunan MPS ug anaa na karon sa kustodiya ni PO3 Dioscoro Enopia Ello.
Personal nga bangi ang gitan aw karong nga hinungdan sa imbistigador nga si SPO2 Richard Suasula.
Sa pagkakaron padayon pa kining gipangita si Roly Saluma sa kapulisan aron taralon sa hukmanan.
