Nakurat ang mga silingan sa usa ka Nonito Adi, 41 anyos human nga kalit kining gipusil sulod mismo sa ilahang panimalay gahapon sa buntag, November 16, 2023 sa Purok Maharlika, Barangay Cuambogan, Tagum City.
Sa pakighinabi sa DXDC RMN Davao kang Police Lieutenant Colonel Jeffrey Latayada, Officer-In-Charge sa Tagum City Police Station, gibutyag niya nga nigula sa ilang inisyal nga imbestigasyon nga bandang alas 5 sa buntag, nigawas ang biktima aron pangitaon ang iyang anak apan pagbalik niya og sulod, kalit nibutho ang wala mailhing suspect og gipusil si Adi.
Naigo ang ulo sa biktima dayong nisibat ang suspetsado paingon sa wala matinong direksyon.
Dugang sa opisyal nga daling gidala sa Davao Regional Medical Center ang biktima og giingong subject for surgical operation.
RadyoMaN Ivy Parido
Facebook Comments
