Davao City – Nalubngan og bala ang pila ka parte sa lawas ang usa ka lalake human pusila sa kontra nga iyang gikawaay sa dalang Dalisay Agdao ning siyudad ala 1:10 sa kadlawon.
Igo sa tuong bahin sa tiyan ang nahiagoman ni John Kenneth Sumalinog, 25 anyos, ug nagpuyo ra pod sa naasoy nga dapit mao dayon kini gihatud sa Southern Philippines Medical Center aron matambalan ang samad pinusilan.
Nasayran nga nag-inom ang grupo ni John Kenneth samtang aduna sa’y laing grupo sa kalalakin-an ang nag-inom.
Sa wala pa masuta nga rason, gikalalis sa biktima ang mga suspek hangtud misangko sa karambola ug usa sa mga nakalaban mihulbot og sa wala matino nga matang sa armas dayon luthang kang John Kenneth.
Paspas misibat ang mga suspek samtang ang mga kaubanan sa biktima dali sab misakwat kang samaran nga si John Kenneth paingon sa SPMC.
RadyoMaN Joel Viray
