Vincenzo Sagun Zamboanga del Sur – Anaa na karon sa balay tambalanan nagpaalim ang usa ka biktima sa pagpamusil alas 10:35 ang takna sa gabii sa nakalabay nga sabado didtong dapita sa Purok Mangga, Barangay Danan, Vincenzo Sagun, Zamboanga del Sur.
Sa inisyal nga inbestigasyon ang biktima naila sa pangalan nga si Agustine Boniao Bacarro gipusil kini sa usa ka certain Jekjek Calunod.
Nasayran usab nga sa dihang nagkaon ang biktima kauban ang iyang asawa nga si Maemae Bacarro nakadugog kini nga dunay aw-aw sa iro sa gawas nga bahin sa ilang balay.
Sa dihang gisubay kini nakita sa asawa sa biktima ang tulo ka lalaki nga mao matod pa silang Jekjek Calunod, Talundong Calunod ug laing wala pa maila nga lalaki.
Kalit lang nga mipusil kini si Jekjek Calunod sa biktima sa makatulo ka higayon nga miigo sa wala nga kamot, wala nga abaga, og wala nga paa.
Human sa pagpamusil ang mga suspek ang mga misibat ngadto sa wala pa matino nga lugar.
Padayon pa ang gihimong hot pursuit operation sa mga kaulisan aron mapanubag ang mga suspek sa salaod nga ilang nahimo.
Personal matod pa nga bangi ang gituhuang motibo sa maong hitabo.
