Davao City – Gisulayan og pusil ang usa ka lalaki sa Brgy. Tagbitan-ag, Samal District, IGACOS apan wala mibuto ang armas nga gigamit sa suspek.
Sa report gikan sa Police Regional Office kun PRO XI, usa kini ka attempted murder ug usa ka violation sa Commission on Election kun COMELEC gunban.
Sa inisyal nga imbestigasyon, gisulayan matud pa og pusil niadtong Abril 15 alas 4 sa hapon ang biktima nga giilang si Efren Magno, 29 anyos, mag-uuma, ug residente sa Purok 4, Brgy. Tagbitan-ag, Samal kinsa mipatim-aw sa Samal Police Station aron i-report ang alegasyong pagpusil kaniya sa usa ka Richard Casido, hingkod ang edad ug residente sa nasangpit nga lugar.
Dugang sa report nga gamit matud pa ni Casido ang armas nga cal.38 revolver nga gisulayan niya pagpabuto apan wala kini mibuto hinungdan nga giilog sa biktima ang armas samtang ang suspek daling misibat sa nasangpit nga insidente.
Sa karon giendorso na ang armas sa Samal Police Station.
RadyoMaN Renz Barbarona
