Davao City – Nakabaton og usa ka samad pinusilan sa tiyan ang biktima nga si John Bajenting, 18 anyos, nagpuyo sa JV Ferriols Toril, Davao City, human pusila ug gisumpak sa suspek nga si Noel Camerino, residente sa Barangay Lizada Toril ning dakbayan.
Sa blotter sa Toril PNP, naglingkod lang ang biktima gawas sa ilang balay ug kalit lamang miabot ang suspetsado ug kalit nga namusil alas 12:45 sa tungang gabii.
Nisibat ang suspek kauban si Rexer Goon padulong sa Sodako Toril human sa panghitabo samtang ang biktima gidala sa St. John Hospital ug gibalhin usab kini sa Southern Philippines Medical Center gumikan sa peligroso nga kahimtang.
Gilusad na sa mga awtoridad ang manhunt operation batok sa maong suspetsado.
RadyoMaN Erin Lumosbog
Facebook Comments
