Davao del Norte – Patay ang usa ka laborer human gitigbas sa iyang kainum kagahapong adlawa sa Sanming Sawmill, Brgy. Poblacion Montevista, Compostela Valley.
Biktima naila nga si Jessie Tapdasan, 34 anyos, ulitawo, laborer ug residente sa nahisgutang lugar samtang ang suspek giilang alyas ‘Bem-Bem’, 30 anyos, minyo ug residente sa Cagayan de Oro City.
Sumala sa report nga nahipos gikan sa Montevista Municipal Police Station, nasayran nga nag-inum ang biktima ug suspek kauban ilang mga higala apan nagkalalis hinungdan nga gitigbas sa makadaghang higayon ang biktima nga miresulta sa hinanaling kamayon.
Dali nga misibat ang suspek padulong sa wala masayring lugar samtang patayng lawas gihaya sa Lord Anthony Funeral Parlor ug giandam na sa kapulisan ang pagpasaka og kaso ngadto sa korte.
RadyoMaN Jules Catisay
