Sikop sa kapulisan ang suspek sa pagpanigbas didto sa brgy. Pisawak, lungsod sa Siocon, ning atong probinsya.
Naila ang biktima nga si Jeffrey Fabionar Estimada, 57 anyos, menyo, usa ka mag-uuma, molupyo sa nahisgutan nga dapit.
Samtang ang suspek sa pagpanigbas mao si Joseph Lumangial Atog, 39 anyos, konsehal sa maong barangay.
Sa inisyal nga imbistigasyon ang biktima ug ang suspek nagkabangi kini nga miresulta sa pagpanigbas gamit ang hait nga sundang.
Nakaangkon gilayon ug samad tinigbasan sa walang bahin sa iyang bukton, dali usab nga nasikop sa mirespondeng kapulisan sa Siocon ang suspek. Nakuha sa posisyon sa suspek ang sundang nga adunay gitas-on nga 19 inches.
Sa kasamtangan nagtingkagol na sa Siocon MPS ang suspek alang sa tukmang disposasyon.
