Sergio Osmeña, ZDN-Padayon pa karon nga nagpaalim sa balay tambalanan ang usa ka biktima human kini gitigbas ni Jovelito Salazar us aka mag-uuma , taga purok 2, Brgy. San Antonio, Sergio Osmeña.
Saysay pa sa biktimang si Mario Pangasian nag inom kini sila uban sa iyang amigo nga sila Boyet Rumpas ug Reneboy Anyag sa usa ka tindahan, apan kalit lang miabot ang suspek nga si Jovelito ug gigamhan sa ilimnong makahubog.
Sa walay daghang pangutan milanit kini sa mahait nga sundang dayong tigbas sa biktima sa makaduha ka higayon, maayong pagkalalap sa abaga sa biktima, human sa panghitabo mikaratil sa pagdagan ang suspek palayo.
Hinuod sa wala madaugay nadakpan kini sa mga barangay opisyal sa San Antonio, Osmeña ug gilayong gi turn over sa kapulisan sa mao nga lungsod.
Nagtuo ang imbistigador sa mao nga kaso personal nga bangi ang hinungdan sa mao nga pagpanigbas.
