Lalaki, gitigbas sa ig-agaw patay

30

General Santos City—Patay ang usa ka lalaki human nga gitigbas sa iya ra usab nga ig-agaw sa may Barangay Upo, Maitum, Sarangani, Province.

Giila ang biktima nga si Landoni Cansal, 36, nga taga Barangay Upo, Maitum. Samtang suspek giilang si Leonido Cansal Yolo, residenti gihapon sa samang lugar.

Subay sa pahayag ni Jose, paryenti sa biktima nga alas 9:00 sa kagabie nag-inum ang biktima didto sa ilang lugar uban sa iyang mga amigo.

Human nahubog, nisulong kini sa balay sa iyang ig-agaw nga misangko sa panaglalis sa mga nasangpit.

Sa tumang kasuko nga gibati sa suspek ngadto sa biktima mikuha kini ug sundang dayon gitigbas ang biktima pila ka higayon igo sa ulo, tiyan ug sa iyang tangkugo.

Daling gidala sa ilang mga kabanay ang biktima sa Malungon, Municipal Hospital apan gibalhin sa Dr. Jorge Royeca Hospital dinhi sa Gensan gumikan sa iyang grabeng mga samad.

Human sa pipila ka oras nga pakigharong sa baba sa kamatayon, nakabsan gihapon ug kinabuhi ang biktima. Buluntaryo man usab nga misurender ang suspek ngadto sa kapulisan sa Maitum.

Facebook Comments