Lalaki Imminom ti Sabidong, Natay!

RMN LAOAG – Natay ti maysa a lalaki kalpasan nga imminom ti sabidong sadiay Sarrat, Ilocos Norte.

Nabigbig ti biktima nga agnagan ti John Von Nacnac, agtawen ti 18, ken residente ti Barangay 10, San Miguel iti nasao nga ili.

Basar ti impormasyon a dimmanun iti RMN Laoag, nadlawan ni lolana a ni Corazon Nacnac a naliday daytoy apokona gapu ta maipagarup nga ada ti saanda pinagkikinnaawatan ti biktima ken ti nobyana. Nangeg pay dagiti karrubana nga adda karirriri ti biktima iti cellphone idi malem kalman.


Iti imbestigasyon ti PNP, kalpasan a nakiriri ti biktima ti nobyana, ditoy metten a nangala ti sabidong a ‘Silver Cleaner’ ket ininomna daytoy. Naduktalan laengen daytoy a nakadata iti maysa a lugar ti pagnanaedan ti biktima.

Adda pay ti attiddog a text iti cellphone a narekobre ti PNP, nu sadino makita ditoy ti panagsisinukatanda ti mensahe ti maipagarup a gayyemna.

Awan met ti nakita a ‘foul play’ ti kapulisan mainaig ti nasao a pasamak.

Bernard Ver, RMN News

Facebook Comments