Lalaki Mipuyo Sa Punoan sa Lubi Sulod sa 3 Katuig, Naluwas

479

Nagmalampuson ang rescue operation nga gipahigayon sa mga taga munisipyo ngadto sa La Paz, Agusan Del Sur niining laki nga mipuyo sa taas kaayong punuan sa lubi. Giila ang lalaki nga si Gilbert Sanchez alyas Robert.

Gikataho nga natrauma si Robert human mapuspusi ug armas de fuego ang ulo niini sa iyang nakasumpaki. Kini maoy hinungdan nga mikatkat kini sa punuan sa lubi ug ngadto na mipuyo. Suma pa sa mga residente, gisuwayan na kini nila ug kumbinsir nga panaugon tungod sa kapeligro sa gikabutangan niini apan wa na kini maminaw.

Pakyas pod ang inisyal nga approach sa mga rescuers sa munisipyo sa pagkumbinsir ni Robert nga munaug maong ilang gitumba ang punuan sa lubi pinaagi sa chainsaw ug gialalayan kini ug backhoe isip suporta arun dili dalidali kining matumba ug makadisgrasya. Naluwas si Robert ug kasamtangang gidala sa mga rescuers sa munisipyo.
Congratulations sa mga awtoridad sa La Paz, Agusan Del Sur. Padayon pa unta ang ingon ani nga klase sa mahinungdanong serbisyo alang sa katawhan labi na sa ingon ani nga talagsaong panghitabo.

Facebook Comments