Davao City – Dead on the spot ang usa ka drug pusher human misukol sa kapulisan atol sa gilusad nga buy-bust operation alas-12:50 sa udto adlaw’ng Martes, Disyembre 25.
Gisuwayan pa og dala sa Southern Philippines Medical Center (SPMC) ang suspek nga si Boyax Pamansalang, 50-anyos, ug nagpuyo sa Muslim Village, Ilang ning siyudad apan gideklara kini nga dead on arrival sa doktor nga mihiling kaniya tungod sa patal nga pagka igo.
Nakabantay matud pa ang suspek nga pulis ang nipalit kaniya og shabu mao kalit kini mibunlot og .38 nga pistola dayon pamusil sa mga otoridad.
Paspas nakabalos si PO3 Ernesto Abanto Jr. resulta sa kamatayon sa suspek.
Taud-taod na gipanid-an sa intel operatives sa Sasa PNP ang iligal nga kalihukan sa suspek hangtud gikasa ang buy-bust operation sa may Sun City Panacan gahapong adlawa.
Nakuhaan pa og tulo ka sachet sa shabu ug pistola si Boyax samtang gidala kini sa ospital.
Ang Scene of the Crime Operatives 11 sa pagpanguna ni P/Chief Insp. Tracy Sheryl Raotraot nakarekober og basyo sa mga bala gikan sa nahitaboan.
RadyoMaN Joel Viray
