Davao City – Gibatikos sa Tagumeños ang usa ka Alyas ‘Jomjom’ human misuway og palusot og shabu sa usa custodial facility sa Brgy. Magugpo East, Tagum City.
Sa impormasyong gipadala sa DXDC RMN Davao ni Police Lieutenant Colonel Jeffrey Latayada, ang Chief of Police sa Tagum City Police Station, nasayrang ang droga gipalaman sa pan nga ipasulod unta sa custodial facility apan malampusong naharang sa duty custodial officer nga si PMSg Benedict Sunico.
Sa pagsuta sa maong pan, nakita ang illegal nga droga nga mutimbang kapin kun kulang 2 ka gramo ug mukantidad sa dul-an P14,000.
Sumala pa sa Tagumeños nga nga gihatod ra gyud matud pa sa suspect iyang kaugalingon sa pasilidad ug wala na nahasol pa og dakop ang kapulisan.
RadyoMaN Ivy Parido
Facebook Comments
