Patay nang nahidangat sa balay tambalanan ang biktima human kini gipusil niadtong adlawng huwebes mga 11:00AM nahitabo kini sa mgay brgy. New Salvacion, lungsod sa Labason.
Ang biktima mao si Roy Bulacon Hasim, 44, usa ka mag-uuma, nagpuyo kini sa Brgy. Pitogo lungsod sa Gutalac.
Sa gihimong makuting imbistigasyon nasayran nga ang biktima uban sa suspek nga si Maldisa Ahil, 50 anyos, usa usab ka mag-uuma, temporaryong nanimuyo sa brgy Mucas, Lungsod sa Salug.
Matod pa human sa ilang gi adtoan nga kasal sa panimalay ni brgy kapitan Tambi didto sa brgy. Salvacion, ang biktima misakay kini sa iyang motorsiklo uban sa suspetsado padulong sa brgy. Osukan sakop sa lungsod sa Labason.
Mga 3 km lang ang gilay-on gikan sa panimalay sa brgy. Kapitan, gipusil sa suspek ang biktima sa likod nga bahin sa iyang lawas gamit ang kalibre 45 nga pistol ug wala pa kini matagbaw gisundan pa kini ug tigbas sa luyo nga bahin sa ulo, human sa panghitabo dali kini nga misibat sa bukiron nga bahin sa brgy. Balas, Labason.
Ang kapulisan sa maong lungsod padayon pa ang ilang ginahimo nga hot pursuit operation aron sa posibleng pagka aresto niini.
Ang motibo sa maong pagpamusil ug pagpanigbas, gituohan may kalabutan sa yuta.
