Patay ang usa ka lalaki human maatrasan sa bus bandang alas 7 Ang takna sa buntag kagahapong adlawa sa may IBJT Tambo Hinaplanon ning syudad sa Iligan.
Biktima nailang Jerry Gerebise, hingkod ang panuigon ug residente sa zone 2 Barangay Carmen Cagayan de 0ro.
Sumala sa nakasaksi, naatrasan ang maong biktima sa bus nga gipanag iyahan sa RTMI nga dunay plaka numero EWA 958 nga gimaneho ni Jamil Calimpong y Bacalso, 41 anyos minyo usa ka driver nga taga Poblacion,Tubod Lanao del Norte.
Gidala pa kini sa City hospital apan gideklara kining Dead on Arrival sa doktor alas 9 ang takna sa buntag.
Ang patayng lawas niini ang gidala sa Mary Venus Funeral Homes.
Ang driver sa maong bus gi detained karon sa police station 1 ug posibleng mag atubang sa kasong Reckless Imprudence Resulting in Homicide.
