Nabalian ug tiil ang suspetsado sa pagpayuhot sa illegal nga droga human kini miambak sa koral sa nahitabong nilakagay sa mga sakop sa mga otoridad sa gihimong buy bust operation alas 9:50 ang takna sa gabie.
Ang suspek nailang si Christopher Zalsos 28 anyos taga purok 10 Barangay Tambacan.
Ang maong operasyon gipangunahan sa mga sakop sa PDEA ug NBI kun asa misuway pa pag iskapo ang maong suspetsado human nakatimaho nga mga otoridad ang iyang ka transaksyon.
Ang nasangpit nga operasyon gipahigayon sa may barangay Mahayahay ning dakbayan sa Iligan diin nakuha sa suspetsado ang pipila ka sachet sa gituohang shabu.
Gibantayan karon sa kapulisan sa station 4 ning dakbayan ang maong suspek sa may city hospital ug mag atubang sa kasong paglapas sa RA 9165 o comprehensive dangerous drugs act of 2002.
